រដ្ឋមន្ត្រីការបរទេសអ៊ុយក្រែន និងរដ្ឋមន្ត្រីការបរទេសសហរដ្ឋអាមេរិក ពិភាក្សាគ្នាអំពីទណ្ឌកម្មថ្មីប្រឆាំងនឹងរុស្ស៊ី

រដ្ឋមន្ត្រីការបរទេសអ៊ុយក្រែន និងរដ្ឋមន្ត្រីការបរទេសសហរដ្ឋអាមេរិក ពិភាក្សាគ្នាអំពីទណ្ឌកម្មថ្មីប្រឆាំងនឹងរុស្ស៊ី

 ភ្នំពេញ:ថ្ងៃទី០៤ ខែមីនា ឆ្នាំ២០២២ ក្រសួងការបរទេសអ៊ុយក្រែនបាននិយាយនៅក្នុងសេចក្តីថ្លែងការណ៍មួយនៅលើបណ្តាញសង្គម Facebook ថា រដ្ឋមន្ត្រីការបរទេសអ៊ុយក្រែន លោក ឌ្មីត្រូ គូឡេបា និងរដ្ឋមន្ត្រីការ

បរទេសសហរដ្ឋអាមេរិក លោក អេនតូនី ប្ល៊ីនខេន បានពិភាក្សាគ្នាអំពីការដាក់ទណ្ឌកម្មថ្មីប្រឆាំងនឹងរុស្ស៊ី នៅក្នុងកិច្ចសន្ទនាតាមទូរស័ព្ទមួយ។ 

 លោក គូឡេបា និងលោក ប្ល៊ីនខេន ក៏បាននិយាយគ្នាផងដែរអំពីការផ្គត់ផ្គង់អាវុធការពារថ្មីសម្រាប់ប្រទេសអ៊ុយក្រែន។ លោក គូឡេបា បានសង្កត់ធ្ងន់ថា ប្រទេសអ៊ុយក្រែនប្តេជ្ញាស្វែងរកមធ្យោបាយការទូតសម្រាប់ដោះស្រាយជម្លោះជាមួយរុស្ស៊ី ប៉ុន្តែសម្ព័ន្ធ

មិត្តរបស់ទីក្រុងគៀវត្រូវតែបង្ហាញការឯកភាពក្នុងការបង្កើនសម្ពាធទៅលើរុស្ស៊ី រហូតដល់ទីក្រុងមូស្គូបង្ហាញការត្រៀមខ្លួនសម្រាប់កិច្ចចរចាប្រកបដោយការស្ថាបនា។ យោងតាមទីភ្នាក់ងារសារព័ត៌មាន Ukrinform ដែលគ្រប់គ្រងដោយរដ្ឋាភិបាលអ៊ុយក្រែនបានឱ្យដឹងថា គណ

ប្រតិភូអ៊ុយក្រែនកាលពីថ្ងៃពុធ បានចេញដំណើរទៅចូលរួមកិច្ចចរចាជុំទីពីរជាមួយរុស្ស៊ី ដែលត្រូវបានគេរំពឹងថានឹងធ្វើឡើងនៅព្រំដែនរវាងប្រទេសបេឡារុស្ស-ប៉ូឡូញ៕(ប្រភព People’s Daily បកប្រែដោយលោក យា ចិន្តាខន្តី) សម្រួលផ្សាយដោយ៖ dara